རྒྱས་བཤད་བྱེད་པ།

སྡེ་ཚན། དཔེ་དེབ་གསར་སྒྲུབ།

འགྲེམས་སྤེལ། Wed 15 Jul 2020

ཀློག་གྲངས། 642

༄༅།། ཁམས་གསུམ་འགྲོ་བའི་བླ་མ་ཡབ་རྗེ་རྒྱལ་བ་གཉིས་པ་འཇམ་མགོན་ཆོས་ཀྱི་རྒྱལ་པོ་ཙོང་ཁ་པ་ཆེན་པོ་ཡབ་སྲས་གསུམ་གྱིས་མཉམ་མེད་ཤཱཀྱ་སེང་གེའི་རིང་ལུགས་ལ་མ་རྟོགས་པ་དང་ལོག་པར་རྟོག་པ་དང་། ཐེ་ཚོམ་གྱི་དྲི་མ་བཅས་པར་ལུང་རིགས་དཔྱད་པ་གསུམ་གྱིས་དག་ཐེར་ལེགས་པར་མཛད་ཅིང་། བསྲེས་ལྷད་ཀྱི་དྲི་མས་ནམ་ཡང་མ་གོས་པའི་རྣམ་པར་ཐར་པ་གཙང་མ་སྟེ། མདོ་སྔགས་ཟུང་འབྲེལ་གྱི་བསྟན་པ་རིན་པོ་ཆེ་གསེར་སྦྱངས་བཙོ་མ་ལྟ་བུ་གཏན་ལ་ཕབ་པའི་གསུང་འབུམ་པོད་ཆེན་བཞི་བཅུ་ཞེ་ལྔ་ཐམ་པ་ཕྱི་ལོ་ ༢༠༢༠ ཟླ་ ༣ ཚེས་ ༡༡ ཉིན་དཔེ་མཛོད་དུ་དཔར་ཕུད་གནང་སོན་བྱུང་ཞིང་། ད་ལྟ་སྐྱེ་འགྲོའི་རྨོངས་མུན་སེལ་བར་ས་གསུམ་གྱི་སྒྲོན་མེ་ལྟ་བུར་བཞུགས་སུ་གསོལ་བའི་འཇམ་མགོན་བླ་མ་ཡབ་སྲས་གསུམ་གྱི་གསུང་འབུམ་གྱི་མ་ཕྱི་ཁག་སྟེ། སྐུ་འབུམ་བྱམས་པ་གླིང་གི་དཔར་མ་དང་། ཞོལ་དཔར། གཙང་དཔར་རྣམས་ཡིག་འབྲུ་རེ་རེ་བཞིན་རྗེའི་གསུང་འབུམ་སྡུད་སྒྲིག་ཁང་གི་དབུ་ལས་ཡོངས་ཀྱི་ཞུམ་པ་མེད་པའི་སྙིང་སྟོབས་དང་བརྩོན་འགྲུས་བཅས་ལ་བརྟེན། རྗེ་བླ་མས་ལོངས་སྐུ་མངོན་དུ་མཛད་ནས་ལོ་ངོ་དྲུག་བརྒྱ་འཁོར་བའི་རྗེས་དྲན་ཆེན་མོའི་སྐབས་བསྟུན་གྱིས་ཞིབ་བསྡུར་ཞུས་འབྲས་སུ་བསྡུར་མཆན་དང་། ལུང་ཁུངས་བཙལ་འཚོལ་བཅས་དེང་རབས་ཀྱི་འགྲོས་དང་བསྟུན་ནས་དཔར་སྐྲུན་ཚད་ལྡན་གནང་བའི་ལེགས་ཚོགས་ཀྱིས་བསྟན་པ་རིན་པོ་ཆེ་སྤྱི་དང་། བྱེ་བྲག་འཇམ་མགོན་བླ་མའི་བསྟན་པ་ལ་རྨད་དུ་བྱུང་བའི་མཛད་རྗེས་འཇོག་གནང་མཛད་པར་བཅོས་མིན་གྱིས་ཡི་རང་དང་བསྔགས་བརྗོད་ཞུ།

བཀླགས་འཕྲོ......