༸གོང་ས་༸སྐྱབས་མགོན་ཆེན་པོ།
ངས་གྲོགས་པོ་ཁ་ཤས་ལ་"རང་ཤི་རྒྱག་མཁན་གྱི་གྲངས་འབོར་དེ་གྲོང་གསེབ་ལས་གྲོང་ཁྱེར་ནང་མང་བ་འདུག་"ཅེས་བཤད་པ་ཡིན། དེའི་རྒྱུ་མཚན་ནི་ཧ་ཅང་གསལ་པོ་རེད། གྲོང་གསེབ་ཕྱོགས་ཀྱི་ཞིང་པ་རྣམས་ལ་དེར་སྤྱི་ཚོགས་ལ་བརྟེན་པའི་ཚོར་ཤེས་ཤུགས་ཆེ་བ་ཡོད། གལ་ཏེ་ཁྱིམ་ཚང་གཅིག་ལ་དཀའ་ངལ་འཕྲད་ན། ཁྱིམ་ཚང་གཞན་དེར་ལབ་ཆོག་པའི་ཚོར་ཤེས་ཡོད་ལ། ཁོ་ཚོས་མཉམ་རུབ་ཀྱིས་ལས་ཀའང་བྱེད་ཀྱི་ཡོད་པས། སྤྱི་ཚོགས་ལ་བརྟེན་པའི་ཚོར་ཤེས་ཧ་ཅང་ཤུགས་ཆེ་བ་ཡོད། དེ་བས་གྲོང་ཁྱེར་ཆེ་ཁག་གི་ནང་གླ་ཕོགས་ཆེན་པོ་རེག་གི་ཡོད་ཀྱང་། གྲོགས་པོ་ཡག་ཤོས་དེ་དངུལ་ཡིན་པ་ལས་མི་མིན་པར་བརྟེན། དཀའ་ངལ་ངོ་མ་ཞིག་འཕྲད་ཡོང་ན་རེ་བ་རྒྱག་ས་གཞན་མེད་པར་ཁེར་རྐྱང་ཡིན། བྱང་ཆུབ་ཀྱི་སེམས་ཉམས་ལེན་བྱེད་མཁན་གྱི་ང་རང་ཉིད་ལ་མཚོན་ན། དུས་རྒྱུན་དུ་འགྲོ་བ་མི་ཐེར་འབུམ་བདུན་པོ་དེ་ངའི་སྤུན་མཆེད་ཕོ་མོ་ཡིན་པར་བསམ་བློ་གཏོང་གི་ཡོད། གལ་ཏེ་ངས་དོ་གལ་ཆེན་པོ་དང་སྦུག་སྲུབ་དོག་པོས་རང་ཉིད་ནང་པ་དང་།
སྐྱབས་མགོན་ཏཱ་ལའི་བླ་མ། སྙན་གྲགས་ཆེ་བའི་ཏཱ་ལའི་བླ་མ་སྐུ་ཕྲེང་བཅུ་བཞི་པ་ཡིན་པར་རྩིས་ན། མི་ཐེར་འབུམ་བདུན་གྱི་ནང་ན་ཏཱ་ལའི་བླ་མ་གཅིག་ལས་མེད་པས་ཁེར་རྐྱང་གི་ཚོར་བ་ཡོང་རྒྱུ་དང་། ངས་རང་ཉིད་འགྲོ་བ་མི་ཐེར་འབུམ་བདུན་ལས་ལོགས་སུ་བཀར་ཏེ་གུ་དོག་པོ་ཆགས་རྒྱུ་རེད། དེ་བས་འགྲོ་བ་མི་ཐེར་འབུམ་བདུན་ཡིད་དུ་འོང་བར་ལྟོས་དང་། མ་མཐར་ཡང་ཁྱོད་ལ་ཁེར་རྐྱང་གི་ཚོར་བ་མེད། གཞན་ཕན་གྱི་བསམ་བློ་ཐོངས་དང་ཡིད་ཚིམ་པ་སྐྱེས། ཁེར་རྐྱང་དང་བསམ་བློ་སྦུག་སྲུབ་དོག་པོ་བྱས་ན་ཧ་ཅང་གུ་དོག་པོ་དང་དངངས་སྐྲག ཁེར་རྐྱང་གི་ཚོར་བ་ཡོང་གི་རེད།