བརྗོད་གཞི། ཆོ་ག་ཕྱག་ལེན་གལ་གནད་ཆེ་བའི་སྐོར།
གནང་མཁན། བདག་ཉིད་ཆེན་པོ་སློབ་དཔོན་ཟམ་གདོང་རིན་པོ་ཆེ།
གནང་དུས། ཕྱི་ལོ་༢༠༡༢ ཕྱི་ཟླ་ ༧ ཚེས་༩ ནས་ ༡༤ བར།
གནང་ཡུལ། དྷ་ས་ར་ཆེ་གཉིས་པའི་དཔལ་ལྡན་སྟོད་རྒྱུད་གྲྭ་ཚང་གི་གཙུག་ལག་ཁང་།
སྒྲིག་བཟོ་བ། རྒྱུད་སྟོད་དཔེ་མཛོད་ཁང་།
འགྲེམས་སྤེལ་བ། རྒྱུད་སྟོད་དཔེ་མཛོད་ཁང་།
ངོ་སྤྲོད་མདོར་བསྡུས། ཕྱི་ལོ་ ༢༠༡༢ ཕྱི་ཟླ་ ༧ ཚེ་ ༩ ནས་ ༡༤ བར་ཉིན་གྲངས་ ༦ རིང་གསང་ཆེན་དཔལ་ལྡན་སྟོད་རྒྱུད་གྲྭ་ཚང་གི་དགེ་སློང་ཡོངས་རྫོགས་ནས་གྲྭ་ཚང་གི་བསླབ་པ་སློབ་གཉེར་སྤྱི་དང་ལྷག་པར་སྔར་སྲོལ་མཐོང་བརྒྱུད་ཀྱི་ཕྱག་བཞེས་ཆོ་ག་ཕྱག་ལེན་སྐོར་དང་། ཆོས་འཆད་ཉན། ཁྲིམས་སྒྲིག་ལམ་སོགས་ཀྱི་ཐད་མི་ཉམས་རྒྱུན་གནས་དང་ཉམས་པ་སླར་གསོ་གནང་ཕྱོགས་སྐོར་དམིགས་བསལ་ཚོགས་ཆེན་གྱི་དབུ་འབྱེད་དང་འབྲེལ་ཉིན་ལྔའི་བརྗོད་གཞིའི་སྙིང་དོན་དང་བགྲོ་གླེང་གནང་ཕྱོགས་ཐད། བདག་ཉིད་ཆེན་པོ་སློབ་དཔོན་ཟམ་གདོང་རིན་པོ་ཆེ་མཆོག་ནས་བསྩལ་བའི་བཀའ་སློབ་ཟབ་རྒྱས།